یانە گەورەکان ڕەتی دەکەنەوە گرێبەستی لەگەڵدا واژۆ بکەن، لە هەمان کاتدا کریستیانۆ ڕۆناڵدۆ مکوڕە لەسەر هەڵوێستەکانی و مانچستەر یونایتد ڕەت دەکاتەوە.
ئێنریکی سیریزۆ، سەرۆکی یانەی ئەتلەتیکۆ مەدرید بە “El Partidazo de COPE”ی ڕاگەیاندووە، “من نازانم کێ بابەتی کریستیانۆ و ئەتلەتیکۆ مەدریدی وروژاندووە، بەڵام مەحاڵە پەیوەندی بە ئێمەوە بکات.”
لەلایەکی دیکەوە ئۆلیڤەر کان، سەرۆکی بایرن میونشن دەڵێت، “لەناوخۆی یانە بابەتی کریستیانۆ-مان تاوتوێ کرد، ئەو یەکێکە لە باشترینەکانی تۆپی پێ، بەڵام گەیشتینە ئەو دەرئەنجامەی یاریزانەکە لە ئێستادا لەگەڵ فەلسەفەی ئێمەدا ناگونجێت.”
سەرچاوەکان بە سەرسامییەوە پرسیار دەکەن، لە کاتێکدا ئەتلەتیکۆ و بایرن لە هاوکێشەکە چوونەتە دەرەوە، کریستیانۆ بە نیازە پەیوەندی بە چ یانەیەکی بەشدار لە خولی یانە پاڵەوانەکانی ئەوروپا بکات؟
