کەشناسیی هەرێمی کوردستان کەشوهەوای ئەمڕۆ و سبەینێی بڵاوکردەوە بەپێی پێشبینییەکان پلەکانی گەرما بەرزتردەبنەوە، هەروەها کەشناسیی عێراقیش دەڵێت، لە شەممەوە باران دەبارێت.
بەڕێوەبەرایەتیی گشتیی کەشناسیی هەرێمی کوردستان ڕایگەیاند، ئەمڕۆ ئاسمان ساماڵ دەبێت و پلەکانی گەرما نزیک دەبن لە ڕۆژانی ڕابردوو.
سبەینێ ئاسمان ساماڵ دەبێت، پلەکانی گەرما کەمێک بەرزتردەبنەوە بەراورد بە ڕۆژانی پێشوو.
بەپێی پێشبینییەکانی دەستەی کەشناسیی عێراقیش، لەگەڵ بەرزبوونەوەی پلەکانی گەرما لە ئەمڕۆ و سبەینێدا، پێشبینیی بارانبارین دەکات لە دوای نیوەڕۆی ڕۆژی شەممەدا بەڵام بارانبارینەکە ناوچەکانی باشووری عێراق دەگرێتەوە و لە هەرێمی کوردستان ئاسمان پەڵەهەور دەبێت.
