پۆل پۆگبای فەرەنسی و یاریزانی نوێی یانەی یۆڤانتۆس توشی پێكان بووە و لە یاریكردن دووركەوتەوە.
پۆگبا سەرەتای ئەم وەرزە لە مانچستەر یونایتدەوە پەیوەندی كرد بە یانەی یۆڤانتۆسی ئیتاڵییەوە.
پاش ئەنجامدانی چەند یەكەیەكی مەشق و ڕاهێنان، پۆگبا توشی پێكان هات و دوای پشكنینی پزیشكی دەركەوت پێكانەكەی قورسە.
پێكانەكەی پۆگبا لە ئەژنۆیدایە و بڕیارە لەچەند كاتژمێری داهاتوودا پشكنینی وردی بۆ بكرێت.
بە پێی هەواڵی ڕاگەیاندنەكان گەر پۆگبا نەشتەرگەریی بكات لانی كەم دوو مانگ دووردەكەوێتەوە، گەر نەشتەرگەرییش نەكات، ئەگەری سەرهەڵدانەوەی پێكانەكەی هەیە.
