دیمەنێكی تری ساتی دروستبوونی لافاوەكەی دوو ڕۆژی ڕابردووی ئێران بڵاوكرایەوە، وەك دەردەكەوێت، لافاوەكە بە خێراییەكی زۆر سەرهەڵدەدات و ئاوێكی زۆر كۆدەبێتەوە.
دوو ڕۆژ لەمەوبەر لافاوێكی گەورە لە ئێران دروستبوو، بەهۆیەوە زیاتر لە 20 کەس گیانیان لەدەستدا و چەند کەسێك بێسەروشوێنبوون.
لافاوەكە بە شێوەی كتوپڕ دروستبوو، ئاژانسی ئیرنای فەرمیی ئێران بڵاویکردەوە، بارانبارینی بەخوڕ لە شارەکانی ئیچ، ڕودباڵ و ئیستهبان بووەتەهۆی دروستبوونی لافاوەكە.
دوای دروستبوونی لافاوەكە، کەشناسیی ئێران هۆشداریدا لە بارینی بارانی بەخوڕی وەرزی لە سەرتاسەری وڵاتەكەدا و پێشبینیكرد لافاوی دیكە سەرهەڵبدات.
