ئێوارەی ئەمڕۆ هەینی، مێردمنداڵێک لە گوندی بەنێنان لە قەزای بەردەڕەش خنکا.
لەبارەی ڕووداوەكەوە، کاروان عەلی یەكێك لە دانیشتووانی گوندی بەنێنانە بۆ تۆڕی میدیایی ئێستا دوا و ڕایگەیاند، کاتژمێر 5ی ئێوارەی ئەمڕۆ هەینی، مێردمنداڵێکی گوندەکەیان لە ئاوی ڕووباری زێی گەورە لە نزیک گوندی بەنێنان خنکاوە.
کاروان عەلی لە لێدوانەكەیدا بۆ ئێستا ئاشكرایكرد، مێردمنداڵەكە ناوی مەحموود قاسمە و تەمەنی 11 ساڵە، خوێندکاری پۆلی حەوتەمی بنەڕەتییە و دوای نیوەڕۆی ئەمڕۆ بە مەبەستی مەلەكردن چووەتە ڕووبارەكەوە، بەڵام خنكاوە.
ئێستا پەیامنێرمان لە دهۆك ڕایگەیاند، تەرمی مێردمنداڵەكە دۆزراوەتەوە و ڕەوانەی پزیشكیی دادی كراوە.
