لیۆنێل مێسی ئەفسانەی زیندووی ئەرجەنتین، لە ڕاهێنانە ئامادەکارییەکانی سەرەتای وەرزدا کریستۆف گالیتیێی ڕاهێنەری پاریس سان جێرمانی سەرسام کردووە.
بەپێی ڕاپۆرتێکی ڕۆژنامەی “لیکیپ”ی فەرەنسی، کریستۆف گالیتیێی ڕاهێنەری نوێی پاریس سان جێرمان و ستافی ڕاهێنان سەرسام بوون بەو ئاستە بەرزەی لیۆ مێسی لە مەشق و ڕاهێنانەکاندا پێشکەشی کردووە.
سەرچاوەکە نووسیویەتی، گالیتیێ سەرسامە و هەرگیز لەو باوەڕەدا نەبووە ئەزمووندار و ئەفسانەیەک هێندە پەرۆشی گەڕانەوە بێت بۆ ئاستی باڵا، بەوپەڕی هێزی خۆیەوە وەک پرۆفیشناڵێک دەرکەوتووە، لە ڕووەکانی دەروونی و جەستەییەوە بەرزترین ئاستی پێشکەش کردووە، تەنانەت باشتر لە یاریزانە لاوەکان دەردەکەوێت و پابەندبوونی لە هەمووان زیاترە.
مێسی لە ڕووبەڕووبوونەوەی یانەی کاواساکی فرۆنتاڵ، گۆڵێکی تۆمار کرد و بەشداربوو لە تۆمارکردنی گۆڵێکی دیکەشدا.
