بڕیارە سبەینێ هەینی، دژی هێرش و بۆردوومانەکانی تورکیا بۆ سەر خاکی هەرێمی کوردستان، گردبوونەوەی ناڕەزایی ئەنجامبدرێت و داوا لە لایەنە سیاسییەکان، ڕێکخراوەکان و میدیاکان دەکرێت بەشداریبکەن.
لە کاردانەوەی هێرشە بەردەوامەکانی تورکیا بۆ سەر خاکی هەرێمی کوردستان و تۆپبارانەکەی دوێنێی سنووری ئیدارەی زاخۆ، ئاگادارییەک بۆ هاوڵاتییان، لایەنە سیاسییەکان، ڕێکخراوەکان و میدیاکان بڵاوکراوەتەوە کە بەشداریبکەن لە گردبوونەوەیەکی ناڕەزایی لەوبارەیەوە.
گردبوونەوەک لەژێر ناونیشانی “پایتەخت لەدژی داگیرکاری دەوەستێتەوە” ئەنجامدەدرێت و مەبەست لێی هاوخەمی دەربڕینە بۆ کەسوکاری قوربانییانی هێرشەکەی دوێنێ و سەرکۆنەکردنی سەرجەم هێرسەکانی تورکیا.
لە ئاگادارییەکەدا هاتووە، گردبوونەوەکە لە کاتژمێر 5:00ی ئێوارەوە دەستپێدەکات و لەبەردەم پارکی شانەدەری هەولێر دەبێت.
