ڕوسیا هەناردەی گازی بۆ ئەڵمانیا دەستپێكردەوە

ڕوسیا كاركردنی بە هێڵی نۆرد ستریم دەستپێكردەوە كە لەڕێیەوە گازی سروشتی بە ئەڵمانیا دەدات، پاش تەواوبوونی ماوەی نۆژەنكردنەوەی بۆرییەكە. بەرلین ترسی هەبوو مۆسكۆ جارێكی دیكە هێڵەكە نەخاتەوەكار.

ئەمڕۆ پێنجشەممە هێڵی گازی نۆرد ستریم كە ڕوسیا و ئەڵمانیا پێكەوە دەبەستێتەوە خرایەوە كار، پاش چاكسازی و نۆژەنكردنەوە كە ماوەی 10 ڕۆژی خایاند.

وتەبێژ بەناوی كۆمەڵەی (نۆرد ستریم) ڕایگەیاند، هێڵەكە كاردەكات.

لە 11ی ئەم مانگە ڕوسیا هەناردەی گازی لە هێڵی “نۆرد ستریم″ـەوە ڕاگرت، بەمەبەستی کاری نۆژەنکردەنەوە. هێڵەكە ساڵانە 55 ملیار مەتر سێجا گاز لە ڕوسیاوە بۆ ئەڵمانیا دەگوازێتەوە.

پێشتر حکومەتی ئەڵمانیا و کۆمپانیاکان دەترسان لەوەی ڕاگرتنی هەناردەی گاز بەهۆی شەڕی ڕوسیا و ئۆکرانیاوە زیاتر لەو ماوەیە درێژە بکێشێت.

پەیوەندیدار:

ئەڵمانیا ڕێوشوێنەكانی پشتبەستن بە بۆریی غازی (نۆرد ستریم 2) ڕادەوەستێنێت

بابەتی پێشتر

ڕووداوێكی سەختی هاتوچۆ لە هەولێر ڕوویدا

بابەتی دواتر

نرخی بەنزین هەرزان دەبێت

بابەتی پەیوەندیدار
زیاتر ببینە

نرخی دۆلار دابەزی

نرخی دراوە جیهانییەکان ئەمڕۆ یەکشەممە 13ی کانونی یەکەم، لە بازاڕەكانی هەرێم بڵاوکرایەوە و بەپێی ئەو نرخانەش دۆلاری ئەمریکی…
Total
0
Share