باڵیۆزی عێراق لە لوبنان، كە لە ڕۆژانی ڕابردوودا لە گرتەیەكی ڤیدیۆییدا دەركەوت و بە ئاڕ بی جی ڕاویدەكرد، لە كارەكەی لادرا.
لە نووسراوێكی وەزارەتی دەرەوەی عێراقدا كە واژووی فوئاد حسێن-ـی لەسەرە، حەیدەر شییاع بەڕاك باڵیۆزی عێراق لە لوبنان لە كارەكەی لادرا و گواسترایەوە بۆ ناو ناوەندی وەزارەتی دەرەوە.
لە چەند ڕۆژی ڕابردوودا، وێنەیەك كە لە گرتەیەكی ڤیدیۆییەوە وەرگیراوە، لە تۆڕە کۆمەڵایەتییەکاندا بڵاوكرایەوە و حەیدەر شییاع بەڕاک باڵیۆزی عێراق لە لوبنان لە كاتی تەقاندنی ئاڕ بی جی-دا نیشاندەدات.
لە وەڵامی ڕۆژنامەنووسێكدا ئەو باڵیۆزە وتبووی، حەزی لە ڕاوكردنە و تەقاندنی گوللـە ئاڕ بی جی-یەكە لە كاتی ڕاوكردندا بووە، ئەوەش كاردانەوەی فراوانی بەدوای خۆیدا هێنا.
