ڕومانەیەك هەڵدرایە ماڵێكەوە و سەرچاوەیەكی ئەمنی بە هەوڵی “كۆمەڵكوژكردن” ناویدەبات.
سەرچاوەیەكی ئەمنی لە پارێزگای دیالە ئاشكرایكرد، ڕومانەیەك هەڵدراوەتە ماڵی هاوڵاتییەكەوە لە ناوچەی باب دەرب كە حەوت كیلۆمەتر لە باكووری خۆرهەڵاتی بەعقوبەوە دوورە.
بەپێی سەرچاوەكە، سەرباری ئەوەی دەرزیی ڕومانەكە دەرهێنرابوو، بەڵام نەتەقیوەتەوە و تیمێكی بەرگریی شارستانی چوونەتە شوێنەكە و ڕومانەكەیان هەڵگرتووەتەوە.
ئەو سەرچاوە ئەمنییە كە لە پارێزگای دیالەوە لێدوانی بۆ میدیا داوە دەڵێت، ڕومانەكە براوەتە شوێنێكی تایبەت بۆ ئەوەی بەبێ گەیاندنی هیچ زیانێك بتەقێندرێتەوە و لێكۆڵینەوە لە ڕووداوەكە دەكرێت.
