سەرچاوە عێراقییەکان بڵاویانکردەوە، دوای نیوەڕۆی ئەمڕۆ ئاگر لە ماڵێک کەوتووەتەوە و بەهۆیەوە دایکێک و سێ منداڵی گیانیان لەدەستداوە.
بەپێی سەرچاوە ئەمنییەکان، ئاگرەکە لە شوێنی نیشتەجێبوونی ئەو خێزانە کەوتووەتەوە، لە ناوچەی مەوفقیە لە بەسرە، بووەتەهۆی گیانلەدەستدانی دایکێک و سێ منداڵەکەی.
ئاماژە بەوەشکراوە، لەو ڕووداوەدا گەنجێکی 16 ساڵ بە سەختی برینداربووە کە ئێستا لەژێر چاودێریی چڕدایە.
تەرمی دایک و منداڵەکانی ڕەوانەی پزیشکی دادوەری کراون لە بەسرە.
