وەزیری دارایی هەرێم لەسەر پاشەکەوت و پلە بەرزکردنەوەی فەرمانبەران و چەند بابەتێکی دیکەی دارایی بانگهێشتی پەرلەمانی كوردستان دەكرێت.
لیزا فەلەكەدین كاكەیی، ئەندامی لیژنەی دارایی پەرلەمانی کوردستان ڕایگەیاندووە، “لیژنەی دارایی ژمارەیەک ڕاپۆرتی لەبارەی ڕەوشی دارایی ئامادەکردووە و بڕیارە پەرلەمان کۆبوونەوەیەکی تایبەت بەو پرسانەوە ئەنجام بدات، کە پەیوەستن بە بابەتی دارایی وەک پلە بەرزکردنەوەی فەرمانبەران و مامۆستایان، ھەروەھا فەرمانبەرانی گرێبەست و چەندین بابەتی دیکەی پەیوەست بە دارایی”.
ڕوونیشیكردووەتەوە، حکومەت لە ھەوڵدایە بۆ ئەوەی پلە بەرزکردنەوەی مامۆستایان و فەرمانبەران بەشێوەیەکی ئاسایی بەڕێوەبچێت، چونکە چەند ساڵێکە بەھۆی ڕەوشی خراپی دارایی و شەڕی داعش پلە بەرزکردنەوەی فەرمانبەران ڕاگیراوە
ئەو پەرلەمانتارە ئاشكراشیكردووە، “وەزیری دارایی بانگھێشتی پەرلەمان دەکرێت لەسەر پاشەکەوت و پلە بەرزکردنەوەی فەرمانبەران و چەند بابەتێکی دیکەی دارایی، چونکە پێویستە وەزارەت ڕوونکردنەوە بدات بە پەرلەمان و فەرمانبەرانی ھەرێمی کوردستان”.
