هاتوچۆی سلێمانی زیادكردنی تاقیگەكانی پشكنینی بەڕاد ڕادەگەیەنێت، یەكێكیان تایبەت دەبێت بەو ئۆتۆمبێلانەی ژمارە كاتین و لێدراوییان هەیە.
بەڕێوەبەرایەتیی هاتوچۆی پارێزگای سلێمانی ڕایگەیاند، بە مەبەستی زیاتر کارئاسانی بۆ هاوڵاتییان، بڕیاردراوە تاقیگەکانی پشکنینی بەڕاد لە سنووری پارێزگای سلێمانیدا زیادبکرێت.
ڕوونیشیكردەوە، لە سنووری ڕۆژهەڵاتی سلێمانی دوو تاقیگە (تانجەڕۆ)، لە سنووری ڕۆژئاوای سلێمانی دوو تاقیگە (تاسلوجە) و لە ناوچەی پیشەسازی چوار تاقیگە کراوە دەبن بەمەبەستی ئەنجامدانی پشکنینی بەڕاد.
سەبارەت بەو ئۆتۆمبیلانەش کە ژمارە کاتین و لێدراویان هەیە هاتوچۆی سلێمانی ئاشكرایكرد، لە گۆڕەپانی تابلۆکان تەنیشت بەڕێوەبەرایەتییەكەیان پشکنینیان بۆ ئەنجام دەدرێت.
سیستمە نوێیەكەی پشكنینی بەراد لە سبەی یەكشەممە 17ی تەمموزەوە دەچێتە بواری جێبەجێكردنەوە.
