بافڵ جەلال تاڵەبانی، سەرۆکی یەکێتیی نیشتمانیی کوردستان لە بارەگای مەکتەبی سیاسی لە هەولێر پێشوازیی لە د. فوئاد مەعسوم، سەرۆککۆماری پێشووتری عێراق و ئەندامی دەستەی دامەزرێنەری یەکێتی کرد.
لە دیدارەکەدا، بافڵ جەلال تاڵەبانی بە پەرۆشەوە لە دۆخی تەندروستیی د. فوئاد مەعسومی پرسی و ستایشی رۆڵی مێژوویی و تێکۆشانی کرد لە خەباتی رزگاریخوازیی گەلی کورد و رایگەیاند، بە وەفادارییمانەوە لە پێگە و خزمەتەکانی ئێوە و هەموو ئەو تێکۆشەرانە دەڕوانین کە پایەیەکی بەهێزی شۆڕشی نوێبوون.
سەرۆک بافڵ وتیشی، لەسەر رێبازی سەرۆک مام جەلال و تێکۆشەرەکانمان بەردەوامدەبین بۆ خزمەتکردنی خەڵکە خۆشەویستەکەمان.
