بەڕێوەبەری گشتیی ڕێكخراوی تەندروستیی جیهانی، هۆشداریدەدات لە زیاتر تەشەنەسەندنی كۆرۆنا و داوادەكات هەمووان دەمامك بەكاربهێنن.
تیدرۆس ئەدهانۆم گیبریسۆس، بەڕێوەبەری گشتیی ڕێكخراوی تەندروستیی جیهانی جەخت لە زۆربوونی حاڵەتەكانی تووشبوون بە كۆرۆنا دەكاتەوە و دەڵێت، “بەردەوامیی زۆربوونی ژمارەی تووشبووانی كۆرۆنا فشاری زیاتری خستووەتەسەر ڕێكخراوە تەندروستكارەكان”.
بەڕێوەبەری گشتیی ڕێكخراوی تەندروستیی جیهانی، داوای لە دانیشتووانی هەموو وڵاتانی جیهان كرد دەمامك ببەستن و وتی، “ڕێكاری تاقیكراوە بگرنەبەر وەك بەكارهێنانی دەمامك و هەواگۆڕكێی باش و وەرگرتنی چارەسەر”.
هۆشداریدانەكەی سەرۆكی ڕێكخراوی تەندروستیی جیهانی دوای ئەوە دێت كە ڕێكخراوەكە پێشبینیكردبوو ئەم هاوینە بڵاوبوونەوەی كۆرۆنا زیاتر تەشەنەبستێنێت.
