تووشبووان بە كۆرۆنا لە هەرێم 450 هەزاری تێپەڕاند

لە 24 كاتژمێری ڕابردوودا زیاتر لە 500 تووشبووی نوێی كۆرۆنا لە شارەكانی هەرێم تۆماركران و كۆی تووشبووانی پەتاكە لە سەرەتای سەرهەڵدانیەوە 450 هەزاری تێپەڕاند.

وەزارەتی تەندروستیی هەرێم لە ڕاگەیەندراوی 24 كاتژمێری تایبەت بە نەخۆشیی كۆرۆنا ڕایگەیاند، دوو هەزار و 191 پشكنینی نوێ ئەنجامدراوە و لەو ژمارەیە 557 تووشبووی نوێ تۆماركراون.

زۆرترین تووشبوو لە دهۆكە بە 234 حاڵەت، پاش ئەویش سلێمانی 185، هەولێر 134 و هەڵەبجە چوار حاڵەت.

لەو ماوەیەدا هیچ حاڵەتێكی مردن بە كۆرۆنا تۆمارنەكراوە، وەك ئەوەی لە ڕاگەیەندراوەكەدا هاتووە.

ئاشكراشیكردووە، كۆی گشتیی تووشبووان بە كۆرۆنا لە هەرێم گەیشتووەتە 450 هەزار و 273 حاڵەت.

ئامارەكە لەكاتێكدایە بەمدواییە حاڵەتەكانی تووشبوون بە كۆرۆنا لەسەر ئاستی هەرێم، عێراق و جیهان ڕوویان لە زیادبوون كردووەتەوە.

دووشەممەی ڕابردوو سامان شێخ لەتیف وتەبێژی تەندروستیی سلێمانی ئاشکرایکرد، لە 24 کاتژمێری ڕابردوودا نیوەی ئەو پشکنینانەی بۆ کۆرۆنا کردوویانە پۆزەتیڤ بوون، ڕێژەی نێگەتیڤ و پۆزەتیڤەکان هەریەکە 50% بووە.

وتیشی، لە شەو و ڕۆژی ڕابردوودا پشکنینیان بۆ 385 کەس کردووە، لەو ژمارەیە 192 کەسیان ئەنجامەکانیان پۆزەتیڤ بووە و 193یان نێگەتیڤ بوون.

دوێنێش ڕێکخراوی تەندروستیی جیهانی ئاشکرایکرد، دوای تێپەڕینی نزیکەی دوو ساڵ و نیو بەسەر ڕاگەیاندنی یەکەم حاڵەتی ڤایرۆسی کۆرۆنا، تائێستاش ڤایرۆسەکە دەتوانێت ببێتە مەترسیی جیهانی و هێشتا دۆخێکی کتوپڕی تەندروستییە لە جیهاندا.

بابەتی پێشتر

بە ڤیدیۆ.. لە بەغداد شەڕەتەقەیە

بابەتی دواتر

دوای خیانەتی (audi).. (BMW) فریای ڕیاڵ مەدرید کەوت

بابەتی پەیوەندیدار
زیاتر ببینە

ئەنجومەنی نوێنەران بڕیاریدا حكومەتی ناوەند ڕێوشوێنەكانی بەپارێزگابوونی هەڵەبجە تەواوبكات

ئەنجومەنی نوێنەرانی عێراق بە زۆرینەی دەنگ حكومەتی ناوەند ناچاردەكات ڕێوشوێنەكانی بەپارێزگابوونی هەڵەبجە تەواوبكات. ئەنجومەنی نوێنەران ئەمشەو سێشەممە 16ی…
Total
0
Share