بەپێی ڕاپۆرتێكی ئابوری، تەنها لە ماوەی 10 ڕۆژدا زیاتر لە 100 هەزار عێراقی گەشتی دەرەوەی وڵاتیان كردووە و زیاتر لە 100 ملیۆن دۆلاریان خەرجكردووە.
دامەزراوەی “عێراق ئەلموستەقبەل” كە شیكاریی بۆ پرسە ئابورییەكان دەكات ئاشكرایكردووە، زیاتر لە 100 هەزار گەشتیار لە ماوەی 10 ڕۆژی ڕابردوودا گەشتی دەرەوەی وڵاتیان كردووە و سەدان هەزاری تریان بۆ شارەكانی هەرێمی كوردستان گەشتیانكردووە.
بەپێی ڕاپۆرتی دامەزراوەكە، جگە لە حاجییان، لە ماوەی 10 ڕۆژدا زیاتر لە 500 گەشتی ئاسمانی لە فڕۆكەخانەكانی عێراقەوە بەرەو دەرەوەی وڵات ئەنجامدراون و زیاتر لە 100 هەزار كەس گەشتی دەرەوەی وڵاتیان كردووە.
دامەزراوەی “عێراق ئەلموستەقبەل” لە بەدواداچوونەكەیدا بۆ تێچووی گەشتەكان و خەرجییەكانی گەشتیاران لە دەرەوەی وڵات، گەیشتووە بەو ئەنجامەی كە گەشتیارانی عێراقی تەنها لە ماوەی 10 ڕۆژدا زیاتر لە 100 ملیۆن دۆلاریان خەرجكردووە.
