بانکی ناوەندیی عێراق خشتەی فرۆشتنی دۆلاری بۆ ئەمڕۆ بڵاوکردەوە و نزیکەی 200 ملیۆن دۆلاری خستووەتە بازاڕەوە.
بەپێی راگەیەندراوەکەی بانکی ناوەندی کە وێنەیەکی دەست تۆڕی میدیایی ئێستا کەوتووە، ئەمڕۆ بڕی 199 ملیۆن و 905 هەزار و 896 دۆلاری خستووەتە بازاڕەوە، لەو بڕەش 187 ملیۆن و 265 هەزار و 896 دۆلاریان بە شێوەی حەواڵەیە و 12 ملیۆن و 640 هەزار دۆلاریشی بە شێوەی نەختینە بووە.
کۆتا خستنەڕووی خشتەی فرۆشی دۆلار لەلایەن بانکی ناوەندیی عێراقەوە 24ی مانگ بوو کە تێیدا زیاتر لە 209 ملیۆن دۆلاری خستبووە بازاڕەوە.
