هادی عامری سەرۆكی هاوپەیمانیی فەتح ڕایگەیاند، نابێت بە سەرۆك وەزیرانی عێراق.
عامری یەكێكە لە سەركردەكانی چێوەی هەماهەنگی و لە دوایین لێدوانیدا لەبارەی بوون یاخود نەبوونی بە سەرۆك وەزیرانی عێراق وتی، “كاندیدی پۆستی سەرۆك وەزیران نیم”.
سەرۆكی هاوپەیمانیی فەتح جەختیكردەوە كە ئەوەی بەلایەوە گرنگە، پاراستنی یەكڕیزیی چێوەی هەماهەنگییە و ڕایگەیاند، “پشتیوانیی هەر كاندیدێك دەكەم كە برایانی چێوە لەبارەیەوە هاودەنگبن”.
لە چەند ڕۆژی ڕابردوودا، باس لەوە دەكرا كە هادی عامری سەرۆك هاوپەیمانیی فەتح یەكێكە لە كاندیدەكانی پۆستی سەرۆك وەزیران و دەوترا چێوەی هەماهەنگی دوو كاندیدی بۆ پۆستەكە دەبێت، كە دووەمیان نوری مالكی سەرۆكی هاوپەیمانیی دەوڵەتی یاسایە.
