فڕۆکەکانی تورکیا بەیانیی ئەمڕۆ جارێکی دیکە گوندی سەرگەلێ-یان لە سنووری ئامێدی بۆردومانکرد.
پەیامنێری تۆڕی میدیایی ئێستا لە دهۆک گواستییەوە، فڕۆکەکانی تورکیا بەیانیی ئەمڕۆ جارێکی دیکە گوندی سەرگەلێ-یان لە قەزای ئامێدی بۆردومان کردووە، لەکاتێکدا درەنگانی شەوی ڕابردوو هەمان گوند بۆردوومان کراوە.
هیچ زانیارییەک لەبارەی زیانەکانی بۆردومانەکانەوە ئاشکرانەکراوە، بەپێی پەیامنێری تۆڕی میدیایی ئێستا بۆردومانەکان بووەتەهۆی ترس و دڵەڕاوکێی زۆر لەناو خەڵکی گوندەکە.
شەوی ڕابردوو فڕۆكە جەنگییەكانی توركیا بۆردومانی گوندەكانی”سگێرێ و سەرگەلێ”یان لە سنووری قەزای ئامێدی كرد.
