نوێنەری نەتەوە یەكگرتووەكان لە پەیامێكدا بە بۆنەی جەژنی قوربان دەڵێت، هیوادارم چینی سیاسی قوربانیی پێویست بدەن بۆ كۆمەڵگا و وڵاتەكەیان.
جینین پلاسخارت نوێنەری تایبەتیی ئەمینداری گشتیی نەتەوە یەکگرتوەکان بۆ عێراق له په‌یامێكدا به بۆنه‌ی جه‌ژنی قوربانه‌وه ڕایگه‌یاند، لە ڕووی نەریتەوە، قوربان جەژنی لێبوردن و چاکەکردن و نیشاندانی سۆز و ئاهەنگگێڕانە، ئەم چەمکانەش لەمساڵدا لە هەموو کاتێک زیاتر گرنگترن بەتایبەتی کە وڵات بەدەست ناکۆکیی سیاسیی توند و خۆڵبارینی ناوەناوە و شەپۆلی تازەی پەتای ڤایرۆسی کۆرۆنا و گرژیی جیهانییەوە دەناڵێنێت کە کاریان کردوەتە سەر ژیانی ڕۆژانەی عێراقییەکان.
پلاسخارت وتیشی، جەژنی قوربان هەلی ئەوە دەڕەخسێنێت کە خەڵک بەیەکەوە کۆببنەوە و دڵیان بۆ یەکتر بکەنەوە هەوڵیش بدەن جیاوازییەکانیان وەلانێن.
دەربارەی سیاسییەكانیش نوێنەری نەتەوە یەكگرتووەكان لە پەیامەكەیدا ڕایگەیاند، “هیوادارم کە چینی سیاسیش قوربانیی پێویست بدەن لەپێناو بەرژەوەندی كۆمەڵگا و وڵاتەكەیان، بۆ ئەوەی هەموو عێراقییەكان بە یەکگرتووییەوە بەرەو ئایندەیەکی درەوشاوە بچن”.
