وەزارەتی پەروەردەی هەرێم ساڵنامەی خوێندنی 2024 – 2025 ی بڵاوکردەوە، کە لە ئەمڕۆوە دەستپێدەکات و لە 31 ی ئابی ساڵی داهاتوو کۆتایی دێت.
بەپێی ساڵنامەی خوێندن کە لەلایەن وەزارەتی پەروەردەوە دیاریکراوە، وەرزی یەکەمی خوێندن لە ئەمڕۆ چوارشەممە 25 ی ئەیلول دەستپێدەکات و لە 25 ی کانوونی دووەمی 2025 کۆتایی دێت.
هەر بەپێی ساڵنامەکە وەرزی دووەمی خوێندن لە 26 ی کانوونی دووەمی 2025 دەستپێدەکات و لە 11 ی ئایار کۆتایی دێت.
بڕیارە لە 1 – 29 ی حوزەیرانی 2025 تاقیکردنەوەی خولی یەکەمی قۆناغی 12 ی ئامادەیی بەڕێوەبچێت و لە 23 تا 31 ی ئاب تاقیکردنەوەی خولی دووەم ئەنجامبدرێت.
