لە ڕووداوێکی هاتوچۆدا لە كۆمەڵگەی شکارتەی سەر بە ناحیەی بێتواتە لە ئیدارەی ڕاپەڕین، كەسێك گیانیلەدەستدا و كەسێكی دیكە برینداربوو.
بەشی ڕاگەیاندن و ھۆشیاری لە بەڕێوەبەرایەتیی ھاتوچۆی ڕاپەڕین بڵاویكردەوە، ئەمشەو ڕووداوێکی هاتوچۆ لە شکارتە ڕوویدا و ئاشكرایكرد، تراكتۆرێكی جۆری عەنتەر كۆنترۆڵی لەدەستداوە وەرگەڕاوە.
بەپێی ڕاگەیەندراوێكی بەشی ڕاگەیاندن و ھۆشیاری لە بەڕێوەبەرایەتیی ھاتوچۆی ڕاپەڕین، بەهۆی ڕووداوەكەوە هاوڵاتییەك گیانیلەدەستداوە و یەكێكی تریش برینداربووە.
