خەرجی مووچەی مانگانەی مووچەخۆرانی هەرێم بەشێوەیەكی بەرچاو زیادیكردووە، هەرچەندە بەپێی ڕاپۆرتی سێیەمی چاكسازی كە حكومەتی هەرێم بڵاوكردووەتەوە و تێیدا هاتووە بڕە پارەیەك لە ئەنجامی بڕینی مووچەی نایاسایی مووچەخۆران گەڕێندراوەتەوە بۆ خەزێنەی حكومەت.
لە ڕاپۆرتەكەدا ئاماژە بەوەشكراوە، كۆی خەرجی مووچەی مانگی پێنجی 2022ی مووچەخۆران 930 ملیار دینار دیاریكراوە لە كاتێكدا بە پێی ڕوونكردنەوەی وەزارەتی دارایی كە كۆتایی ساڵی 2020 ڕایگەیاندووە خەرجی مووچەی مووچەخۆران 895 ملیار دینارە بووە و جیاوازییەكەی 35 ملیار دینار بووە.
