پۆلیسی كەركوك ڕایگەیاند، تۆمەتبارێكیان دەستگیركردووە كە 63 ملیۆن دیناری لە یەكێك لە خزمەكانی دزیوە، پارەكەشیان بۆ گەڕاندووەتەوە.
بەڕێوەبەرایەتیی پۆلیسی پارێزگای كەركوك ڕایگەیاند، دوێنێ هەینی هێزێكی بنكەی پۆلیسی قەرەهەنجیر پاش كۆكردنەوەی زانیاری و چاودێریی كامێراكان كەسێكیان دەستگیركرد كە تۆمەتباربوو بە دزینی 63 ملیۆن دینار لە ماڵی یەكێك لە كەسە نزیكەكانی.
پۆلیس ئاشكرایكرد، پارەكەیان بۆ خاوەنەكەی گەڕاندووەتەوە، وتەش لە تۆمەتبار وەرگیراوە و بە بڕیاری دادوەر ڕاگیراوە تا ئەوكاتەی ڕەوانەی دادگای تایبەتمەند دەكرێت.
