قوباد تاڵەبانی: باشترین ڕێگا بۆ بەرگرتن لە كۆچكردنی گەنجان بەهێزكردنی كەرتی تایبەت و ڕەخساندنی هەلی كاری زیاترە

جێگری سەرۆك وەزیران جەختدەكاتەوە باشترین ڕێگە بۆ بەرگرتن لە كۆچكردنی گەنجان بۆ دەرەوەی وڵات گەشەپێدانی ئابوری و بەهێزكردنی كەرتی تایبەت و ڕەخساندنی هەلی كاری زیاترە.
قوباد تاڵەبانی، جێگری سەرۆك وەزیران لەگەڵ شاندێكی وەزارەتی ناوخۆی بەریتانیا سەبارەت بە كۆچی گەنجان و چۆنییەتی بەرەنگاربوونەوەی تۆڕەكانی تاوانكاری و قاچاخچێتیی مرۆڤ و ماددەی هۆشبەر كۆبووەوە.
لە كۆبوونەوەكەدا باس لە پێویستی هاوكاريی نێودەوڵەتی كرا بۆ بەرەنگاربوونەوەی تۆڕەكانی تاوانكاری و قاچاخچییەكانی مرۆڤ و ماددەی هۆشبەر كە ئەم تۆڕانە بە درێژایی ساڵانی ڕابردوو خەڵكانێكی زۆریان هەڵخەڵتاندووە و پارەی خەڵكیان خواردووە و ساڵانەش ژمارەیەكی زۆر خەڵك دەكەنە قوربانی.

جێگری سەرۆك وەزیران لە كۆبوونەوەكەدا جەختیكردەوە باشترین ڕێگا بۆ بەرەنگاربوونەوەی تۆڕەكانی تاوانكاری نەهێشتنی زەمینەی كۆچكردنی گەنجان بۆ دەرەوەی وڵات تەنها بە گەشەپێدانی ئابوری و بەهێزكردنی كەرتی تایبەت و ڕەخساندنی هەلی كاری زیاتر دەبێت بۆ گەنجان.

بابەتی پێشتر

فڕۆكە جەنگییەكانی توركیا بۆردومانی چەند ناوچەیەكی سنووری قەزای ئامێدی دەكەن

بابەتی دواتر

لە هەولێر 46 بەنزینخانە سزادران

بابەتی پەیوەندیدار
زیاتر ببینە

دامەزراوەی سەرۆک جەلال تاڵەبانی بۆ خانەوادەی قوربانیانی تەقینەوەکە: رووداوەکە خەمێکی قووڵ و ئازارێکی گشتییە

دامەزراوەی سەرۆک جەلال تاڵەبانی بەبۆنەی ڕووداوی تەقینەوەکەی شەوی ڕابردووی گەڕەکی کازیوەی شاری سلێمانییەوە پەیامێکی ئاراستەی بنەماڵەی قوربانییانی ڕووداوەکە…
Total
0
Share