ماوریسیۆ ئاریفابینی سەرۆكی جێبەجێكاری یانەی یۆڤانتۆس جەختی كردەوە كە هەردوو یاریزان پۆل پۆگبا و دی ماریا پەیوەندی بە یانەكەیانەوە دەكەن.
پۆگبا پیشتر ساڵی 2016 لە یۆڤانتۆسەوە چووە مانچستەر یونایتدەوە بە 105 ملیۆن یۆرۆ و ئەمجارە بەخۆرایی گەڕایەوە بۆ ڕیزەكانی یۆڤانتۆس.
ئاریفابینی ئاشكرایكرد، گرێبەستەكە گەیشتۆتە قۆناغی كۆتایی و تەنها هەندێ وردەكاری ماوە.
لەبارەی كڕینی دی ماریاشەوە، ئاماژەی بەوەدا كە ئەویش ئەرێنی وەڵامی داوەتەوەو تەنها كێشەیان لەسەر ماوەی گرێبەستەكە هەیە.
پێشبینی دەكرێت پۆگبا هەشت ملیۆن یۆرۆ موچەی ساڵانە وەربگرێت و دی ماریاش نۆ ملیۆن یۆرۆی پێ بدرێت.
