بەرێوەبەرایەتیی پۆلیسی سلێمانی تۆمەتبارێكی دەستگیركرد كە چەکی بێمۆڵەتی پێبووە و ویستوەیەتی لەناوبازاڕ ساخی بکاتەوە.
پۆلیسی سلێمانی لە ڕاگەیەندراوێكدا ئاماژەی بەوەكردووە، دوای ئەوەی زانیاریی گەیشتە ھێزەکانی پۆلیس لەبارەی تۆمەتبارێکەوە کە چەکی بێ مۆڵەتی پێیە و دەیەوێت لەناو بازاڕ ساغی بکاتەوە، دەستبەجێ ھێزەکانی پۆلیس لێکۆڵینەوەکانی دەستپێکرد و توانرا لەلایەن نوسینگەی نەھێشتنی تاوانی ڕۆژھەڵات بەھاوکاری نوسینگەی نەھێشتنی تاوانی ناوبازاڕ تۆمەتبار بدۆزرێتەوە و دەستگیربکرێت.
باسی لەوەشكرد، لەکاتی دەستگیرکردنی تۆمەتبارەکەدا دەستگیرا بەسەر دوو چەک لە جۆری دەمانچە و چەند مەخزەن و فیشەکێکدا.
هەر لە ڕاگەیەندراوەكەی پۆلیسدا هاتووە، تۆمەتبار س ، ە ، م لەدایکبووی 1999 یە و بەبڕیاری دادوەر ڕاگیراوە و لێکۆڵینەوە لەگەڵیدا بەردەوامە.
