مەترسییەك ڕادەگەیەنرێت
بەشێكی دیكە لە كۆمپانیا نەوتییەكان لە هەرێم دەكشێنەوە

بەپێی ئەو زانیارییانەی بە تۆڕی میدیایی ئێستا دراون بەهۆی بڕیارەكەی دادگای فیدراڵییەوە بەشێكی دیكە لەو كۆمپانیا نەوتییانەی كە لە هەرێمی كوردستان كار دەكەن گرفتیان بۆ دروستبووە و مەترسی هەیە لە هەرێمی كوردستان كارەكانیان ڕابگرن و بكشێنەوە.

لە زانیارییەكاندا هاتووە، ئەو كۆمپانیا نەوتییانەی لە هەرێمی كوردستان كاردەكەن دەیانەوێت مامەڵە لەگەڵ لایەنی فەرمی بكەن و بەهۆی بڕیارەكەی دادگای فیدراڵیی عێراقەوە فشاریان لەسەر دەكرێت و پێویستە حكومەتی هەرێم بە هەر جۆرێك بێت لەگەڵ بەغداد ڕێكبكەوێت و لە ڕێگەی ئامادەكردنی پڕۆژەیاسایەك تایبەت بە كێشەكانی هەرێم و بەغداد لە ئەنجومەنی نوێنەرانی عێراقەوە پەسەندبكرێت و ئەگەر ئێستاش چارەسەر نەبێت لە داهاتوودا هەمان كێشە بەرۆكی هەرێمی كوردستان دەگرێتەوە.
ئاماژە بەوەشكراوە، ئەو كۆمپانیا بیانیانە كاتێك كاردەكەن مەترسییان لەسەرە كە سوپای عێراق هەڵكوتێتە سەریان و ئەگەر هەرێم لەگەڵ بەغداد كێشەكە چارەسەر ناكات ئەو مەترسییە هەیە بەشێكی دیكە لە كۆمپانیاكانی كە لە بواری نەوت و غازدا لە هەرێم كاردەكەن بە تایبەت ئەو كۆمپانیانەی سەر بە ئەمریكا و چەند وڵاتیكی دیكەن لە هەرێمی كوردستان بكشێنەوە، بەڵام كۆمپانیاكانی سەر بە توركیان گرفتان نییە و لە كاركردن بەردەوام دەبن.
بابەتی پێشتر

شازادەی قەتەر قەناعەت بە زێدان دەکات و نێیمار بەردەکەوێت

بابەتی دواتر

لە هەینییەوە خۆڵبارین لە هەرێمی کوردستان دەستپێدەکات

بابەتی پەیوەندیدار
Total
0
Share