لە سەنتەری شاری دهۆك تەقە لە گەنجێك كرا، هێشتا هۆكاری ڕووداوەكە نەزانراوە.
ئێوارەی ئەمڕۆ لەنێو بازاڕی دهۆك بە دەمانچە تەقە لە گەنجێك بەناوی (ئەیاز سەردار) تەمەن 29 ساڵ كرا و بەهۆیەوە بە سەختی برینداربوو.
پەیامنێرمان لە دهۆك لە زاری شایەتحاڵانەوە پێیڕاگەیاندین، ڕووداوەكە دەوروبەری كاتژمێر 04:30 خولەكی ئێوارەی ئەمڕۆ ڕوویداوە و گولـلەكە بەر سەری كەوتووە.
ئەگەرچی شایەتحاڵان كوژرانی گەنجەكەیان ڕاگەیاند، بەڵام بەپێی ڕوونكردنەوەیەكی پۆلیسی دهۆك برینداربووە.
بەپێی زانیارییەكان گەنجەكە یوتوبەرە و هۆكاری ڕووداوەكەش نەزانراوە.
