سەرۆکی پەیمانگای نیشتمانیی ئەمریکا بۆ نەخۆشییە گواستراوەکان ئاشکرایکردووە، ئەگەری زۆرە لە داهاتوودا کۆرۆنا هاوشێوەی ئەنفلوەنزای وەرزیی لێبێت و پێویستی بەوە بێت کە ساڵانە کۆتان ئەنجامبدرێت.
ئەنتۆنی فاوچی لەمیانی لێدوانێکیدا لە کۆشکی سپی ڕایگەیاند، لە داهاتوودا مامەڵەکردن لەگەڵ ڤایرۆسی کۆرۆنا هاوشێوەی ئەنفلوەنزای وەرزی دەبێت و پێویستی بە وەرگرتنی ڤاکسین دەبێت بەشێوەی ساڵانە، ئەمە لە ئەگەرێکدا زنجیرەیەکی زۆر جیاواز و مەترسیداری ڤایرۆسەکە بڵاونەبێتەوە.
لەمدواییانەدا دەسەڵاتی تەندروستیی ئەمریکا ڤاکسینێکی دووانەیی دژی کۆرۆنا ڕاگەیاند بۆئەوەی خەڵک لە زستاندا پارێزراوبن، فاوچی داوای لە خەڵک کرد ئەو ڤاکسینە چالاککەرانە وەربگرن.
