وتەبێژی وەزارەتی کارەبا ئاشكرایدەكات، نزیکەی 250 مێگاوات كارەبا بەرهەمهێنانیان زیاد کردووە و ئەوەش وادەكات کاتژمێرەکانی پێدانی کارەبا زیادبكات.
ئومێد ئەحمەد، لە ڕاگەیەندراوێكدا ئاماژەی بەوەكردووە،”هەرچەندە بەهۆی بەرزبوونەوەی پلەکانی گەرما، خواستی بەکارهێنان زیاد بووە، بەڵام بەهۆی زیادکردنی بەرهەمهێنانەوە کاتژمێرەکانی پێدانی کارەبا کاتژمێرێک بۆ کاتژمێرێک و نیو زیاد دەکات”.
باسی لەوەشكردووە، دوای خەرجکردنی بڕەپارەیەك لەلایەن ئەنجوومەنی وەزیرانەوە توانرا دەست بە کاری چاکسازی لە وێستگەکانی کارەبا بکرێت و لە ئەنجامدا یەکەیەک بگەڕێنرێتەوە.
