لە قەزای پشدەری ئیدارەی ڕاپەڕین، بەهۆی تەقینی تایەی شۆفڵێکەوە کەسێک برینداردەبێت و بەهۆی سەختیی برینەکەیەوە گیانیلەدەستدا.
لە ڕاگەیەندراوێکدا بەڕێوەبەرایەتیی گشتیی پۆلیسی ڕاپەڕین ئاشکرایکرد، هاوڵاتییەک لە ناحیەی سەنگەسەری سەر بە قەزای پشدەر، لەکاتی ئیشکردنی لە یەکێک لە تایەکانی شۆفڵەکەیدا، تایەکە تەقیوە و برینداربووە، دواتر بەهۆی سەختیی برینەکەیەوە گیانیلەدەستداوە.
ئاماژە بەوەکراوە، ئەو هاوڵاتییە ناوی (م . هـ . س) ڕەگەزی نێرە، لەدایکبووی ساڵی 1953یە و پیشەی کاسبە و خەڵکی گوندی بەستەستێنە.
