خۆڵبارینی چڕ تكریت و لێزمەباران سامەڕا-یان لە پارێزگای سەڵاحەدین گرتووەتەوە.
شەپۆلێكی چڕی خۆڵبارین شاری تكریتی لە پارێزگای سەڵاحەدین گرتووەتەوە و ئاسمانی شارەكە سوورباو بووە، لە سامەڕای هەمان پارێزگا بارانی بەخوڕ دەبارێت.
خۆڵبارینەكەی تكریت ڕەشەبایەكی بەهێزی لەگەڵدایە، لە هەندێك شوێنی شارەكە ئێوارەی ئەمڕۆ شەممە هاوكاتی خۆڵبارینەكە باران باریوە.
لە شاری سامەڕا، بۆ چەند خوولەكێك لێزمەباران بووە و زەویی بە تەواوەتی تەڕكردووە، لەسەر شەقامی قیر و كۆنكرێت ئاو كۆبووەتەوە.
