هەوڵەکانی یانەی ئارسیناڵ بۆ گواستنەوەی گابریێل جیسۆز لە یانەی مانچستەر سیتی-یەوە سەرکەوتوو بووە.
بەپێی زانیارییەکانی فابریزیۆ ڕۆمانۆی ڕۆژنامەنووس و شارەزای بواری گواستنەوەکان، ئیدارەی ئارسیناڵ لەسەر ڕاسپاردەی مایکڵ ئارتێتا دەستیان بە دانوستاندن بۆ گواستنەوەی گابریێل جیسۆز کردووە، لەگەڵ یانەی مانچستەر سیتی بە ڕێککەوتوون گەیشتوون.
بەپێی ڕێککەوتنەکە، بە تێچووی 45 ملیۆن پاوەند گرێبەستی هێرشبەرەکەی سیلیساو واژۆ دەکرێت، لە ئێستاشدا نوێنەرانی گانەرز لەگەڵ لێپرسراوی کارەکانی یاریزانی ناوبراو سەرقاڵی یەکلاییکردنەوەی وردەکارییە دارایی و کارگێڕییەکانن.
گواستنەوەی جیسۆز بۆ یانە زەبەلاحەکەی شاری لەندەن هاوکاتە لەگەڵ واژۆ کردنی بۆندی ئێرلینگ هالاند لەلایەن مانچستەر سیتییەوە، کە هیچ دەرفەتێکی یاریکردن بۆ یاریزانەکەی بەڕازیل نەهێشتووەتەوە.
