كەمێك لەمەوبەر بە مووشەك هێرشكرایەوە سەر كێڵگەی غازی سروشتیی كۆرمۆر لە ناوچەی قادر كەرەم لە سنووری قەزای چەمچەماڵ، ئەوەش سێیەم جارە لە ماوەی چەند ڕۆژێكدا بە مووشەك هێرشبكرێتەسەر كێڵگەكە.
ڕەمك ڕەمەزان قائیمقامی چەمچەماڵ، هێرشەكەی بۆ تۆڕی میدیایی ئێستا پشتڕاستكردەوە و ڕایگەیاند، هێزە ئەمنییەكان گەیشتوونەتە شوێنی ڕووداوەكە و تا ئێستا وردەكاریی زیاتر لەبارەی هێرشەكەوە بەردەست نییە.
هێرشەكەی ئەمڕۆ دوای ئەوە دێت دوێنێ هەینی مووشەكێك ئاراستەی كێڵگەكە كرا و پێشتریش بە هەمان شێوە كێڵگەی غازی كۆرمۆر بەر مووشەك درابوو.
