مەترسییەكی نوێی ڤایرۆسی ئاوڵەی مەیموون ئاشكرابوو، توێژەران هۆشداریی لەبارەیەوە دەدەن.
ئەنجامی لێكۆڵینەوەیەكی بەریتانی دەڵێت، ڤایرۆسی ئاوڵەی مەیموون ڕەنگە خێراتر لەوەی پێشبینیدەكرا بگۆڕێت.
بەپێی ڕۆژنامەی فاینەنشیاڵ تایمزی بەریتانی كە ناوەڕۆكی لێكۆڵینەوەكەی ئاشكراكردووە، لە كاتی گواستنەوەی ڤایرۆسەكە لە كەسێكەوە بۆ كەسێكی تر، پێدەچێت بە شێوەیەكی خێرا بگۆڕێت و بازدان لە ڤایرۆسەكەدا ڕووبدات و گۆڕاوی نوێ سەرهەڵبدات.
جیاواز لەم هۆشداریدانە، ڕێكخراوی تەندروستیی جیهانی دڵنیاییدەدات بە دانیشتووانی جیهان و دەڵێت، پێویست بە كەرەنتین ناكات.
ئەمایا ئەرتاسكوس وتەبێژی ڕێكخراوی تەندروستیی جیهانی ڕایگەیاند، “ڕێكخراوەكە ئامۆژگاریی كەس ناكات بەهۆی بڵاوبوونەوەی پەتای ئاوڵەی مەیموونەوە چالاكی و ڕووداوەكانی دوابخات یان هەڵیانبوەشێنێتەوە”.
