ئەمڕۆ ڕێکخراوی تەندروستیی جیهانی ڕایگەیاند، تووشبوونی منداڵان بە هەوکردنی توندی جگەر بەردەوامە و هێشتا هۆکارەکەش ڕوون نییە، هەروەها ڕەژەکەی گەشتووەتە 230 حاڵەت لە ناوچە جیاجیاکانی جیهاندا، جگە لەوەی 3 منداڵ لە نیوزیلەندا بەهۆیەوە گیانیان لەدەستداوە.
تاریق یاساریڤیتچ گوتەبێژ ڕێکخراوەکە ڕوونیکردووەتەوە، “ژمارەی حاڵەتەکان دەگەنە 228 و لایەنی کەم لە 20 دەوڵەتی جیاجیاوەن” و “لێکۆڵینەوە لە 50 حاڵەتی دیکە بەردەوامە”.
چوار لە شەش نووسینگە هەرێمییەکانی ڕێکخراوەکە دەرکەوتنی ئەم حاڵەتەیان ڕاگەیاندووە و هێشتا هۆکارەکەی زانراو نییە، کە زۆربەیان لە ئەوروپان و یەکەمیان لە بەریتانیاوە بووە.
ئەم نەخۆشییە بەزۆری تووشی منداڵانی خوار 10 ساڵ دەبێت و سکچوون، ڕشانەوە و سکئێشە لە نیشانەکانین.
هەندێک لە حاڵەتەکان پێویستیان بە چاندنەوەی جگەر هەبووە و تا ئێستا لایەنی کەم چوار منداڵ بەهۆیەوە گیانیان لەدەستداوە.
