دامەزراوەی ڤیم 1100 هەلی كار بۆ گەنجان دەڕەخسێنێت و تا ئێستا سەدان هەلی كار مسۆگەركراون، سبەینێش ڕێوڕەسمەكانی چالاكییەكە دەستپێدەكەن.
بە بەشداریی 60 كۆمپانیای ناوخۆیی و نێودەوڵەتی، دامەزراوەی ڤیم هەوڵدەدات 1100 هەلی كار و ژمارەیەك كورسیی خوێندن بۆ گەنجان دەستەبەربكات.
بەپێی ڕاگەیەندراوی دامەزراوەكە، 60 كۆمپانیا بەشداریی پێشانگەی هەلی کاری ڤیم دەكەن و هەلی كار بۆ گەنجان دەستەبەردەكەن. تا ئێستا زیاتر لە شەش هەزار كەس ناوی خۆیان بۆ بەدەستخستنی كار تۆماركردووە و بەشێكی زۆریان لەلایەن تیمەكانی دامەزراوەكەوە سی ڤی-یان بۆ دروستكراوە.
بڕیارە سبەینێ شەممە، چالاكییەكانی پێشانگەكە لە دامەزراوەی ڤیم لە شاری سلێمانی دەستپێبكەن و تا ڕۆژی دواتر پێشانگەكە بەردەوام دەبێت.
