نرخی نەوت دابەزی

نرخی نەوت لە بازارەكانی جیهان دابەزینی بەخۆوە بینی و یەك بەرمیل نەوتی خاوی برێنت بە سەروو 110 دۆلار مامەڵەی پێوەدەكرێت.

بەیانی ئەمڕۆ هەینی، نرخی یەك بەرمیل نەوتی خاوی برێنت لە بازارەكانی جیهان بە 110 دۆلار و 4 سەنت مامەڵەی پێوەدەكرێت و نەوتی خاوی تەكساس بە 104 دۆلار مامەڵەی پێوەدەكرێت.

دوێنێ پێنجشەممە، یەك بەرمیل نەوتی خاوی برێنت بە 110 دۆلار و 50 سەنت مامەڵەی پێوەكراوە.

بەرزبوونەوەی نرخی نەوتی خاو و گۆڕانكاری لە نرخەكەی پەیوەندی بە جەنگی ئۆكرانیا و سەپاندنی سزاكانی سەر ڕوسیا لەلایەن ئەمریكاوە هەیە.