موسڵ ڕێگریی لەهاتنی ئەو ئۆتۆمبێلانە دەكات كە لە هەرێمی كوردستانەوە دێنە پارێزگاكە و ساڵانەكەی بەناوی خۆیەوە نیە.
بەپێی هەواڵی میدیا عێراقییەكان، ئەمڕۆ هێزەئەمنییەكان لە تەواوی بازگەكانی پارێزگای نەینەواوە ڕێگرییان لەو ئۆتۆمێلانەكردووە، كە لە هەرێمی كوردستانەوە دێنە پارێزگاكە.
باسیان لەوەشكردووە، هەر ئۆتۆمبێلێك كە ساڵانەكەی بەناوی خۆیەوە نەبووە ڕێگریی لێكراوە.
لای خۆیەوە شیروان دووبەردانی لە هەژماری خۆی بڵاویكردووەتەوە، هیچ بەرپرسێکی یاسایی مافی ئەوەی نییە ڕێگە لە هاتنی ئۆتۆمبێلەکان بگرێت بۆ ناو شارەکە.
جەختیشی كردووەتەوە، “لێپرسینەوە لەو کەسانە دەکەین کە ئەم بڕیارە ناڕەوا و هەڕەمەکییەیان داوە”.
ئەوەش لەكاتێكدایە، پێشتر بەهۆی گرانبوونی بەنزینەوە شۆفێرانی سنووری پارێزگای دهۆك دەچوونە موسڵ بۆ وەرگرتنی بەنزین.
