توركیا چەند گوندێك لە دەوروبەری شاری عەفرین بۆردوماندەكات.
میدیا ناوخۆییەكان بڵاویانكردەوە، هێزەكانی سوپای توركیا و گروپە چەكدارە پشتیوانەكانی بەیانی ئەمڕۆ بە بۆمبهاوێژ گوندەكانی (بینە زیارە، ئقیبە و حەسر سوغاناكە)ی سەر بە ناحیەی شیراوا لە دەوروبەری شاری عفرین بۆردومان كردووە.
نەزانراوە بۆردومانەكان زیانی گیانییان هەبووە یان نا.
سەرەتای ئەم هەفتەیە چەكدارانی دەستەی تەحریری شام (بەرەی نوسڕەی پێشوو) بە هەماهەنگی لەگەڵ بزوتنەوەی (ئەحرار شام) چەند گوندێكیان لە عەفرین كۆنتڕۆڵكرد، ئەو گوندانە پێشتر لەژێر دەستی گروپەكانی نزیك لە توركیادا بوون.
لەوكاتەوە ناوبەناو شەڕ لەنێوان هەردوولا لە عەفرین و ناوچەكانی دەوروبەری هەن.
