دەزگای ھەڵبژاردنی لایەنە سیاسییەکان ئەمڕۆ جارێکی تر لە سەرۆکایەتیی ھەرێم کۆدەبنەوە و گفتوگۆی بەڕێوەچوونی هەڵبژاردنی پەرلەمانی كوردستان دەكەن.
پەیامنێری تۆڕی میدیایی ئێستا گواستیەوە، ئەمڕۆ چوارشەممە جارێكی دیكە لە سەرۆكایەتیی هەرێم دەزگای هەڵبژاردنی لایەنەكان كۆدەبنەوە و تاوتوێی وادەی ئەنجامدانی ھەڵبژاردن و ھەمواركردنەوەی یاسای ھەڵبژاردن، پرسی کۆمسیۆن و تۆماری دەنگدەران دەکرێت.
باسی لەوەشكرد، پێشتریش دەزگای هەڵبژاردنی لایەنەكان چەند كۆبوونەوەیەكیان لەوبارەوە كردووە، كەمەبەست لێی نزیکبوونەوەی زیاتری لایەنەکانە تا لەبارەی ئەو ناكۆكیانەی لە ئەنجامدانی پرۆسەكە هەیە ڕێكبكەون
