پەرلەمانتارێكی پارتی لە ئەنجومەنی نوێنەرانی عێراق ڕایدەگەیەنێت، لە كۆبوونەوەكەی ماڵی محەمەد حەلبووسی، سەرۆكی ئەنجومەنی نوێنەرانی عێراق لەگەڵ چێوەی هەماهەنگی و هاوپەیمانیی سەروەری هیچ ئەنجامێكی نەبووە.
ماجید شنگالی، پەرلەمانتاری پارتی لە ئەنجومەنی نوێنەرانی عێراق بە میدیاكانی عێراقی ڕاگەیاند، كشانەوەی سەدر لە پەرلەمان وایكرد پارتی و هاوپەیمانیی سەروەری بە دیدێكی واقیعیانە بجووڵێنەوە و شاندێك پێكبهێنێت بۆ دانوستاندن بە سەرۆكایەتیی فواد حسێن و ئەندامێتیی بەنگین ڕێكانی و شاخەوان عەبدوڵڵا بەمەبەستی دانوستاندن لەسەر پێكهێنانی حكومەتی نوێی عێراق.
ئاشكرایكرد، “لە كۆبوونەوەكەی پارتی لەگەڵ چێوەی هەماهەنگی و هاوپەیمانیی سەروەری كە ئەمڕۆ سێشەممە لە ماڵی حەلبووسی بەرێوەچووە تا ئێستا هیچ ئەنجامێكی ئەرێنی نەبووە، بەڵام باس لە كۆبوونەوەی داهاتووی ئەنجومەنی نوێنەرانی عێراق كرا.
