بڕیارە ئەمڕۆ دیداری کاک ئەحمەدی شێخ لە سلێمانی بەڕێوەبچێت.
ئەمڕۆ شەممە، 12ی نیسانی 2025، دیداری کاک ئەحمەدی شێخ لەلایەن بەڕێوەبەرایەتیی گشتیی رۆشنبیری و هونەری سلێمانی بە هەماهەنگی لەگەڵ چەند دەزگایەکدا لە تەلاری هونەر بەڕێوەدەچێت.
بەپێی زانیارییەکان، لە دیدارەکەدا ژمارەیەك توێژەر لە شارەكانی سلێمانی، كەركوك، هەولێر، زاخۆ و رۆژهەڵاتی كوردستانەوە بە چەند توێژینەوەیەك بەشدارییان كردووە.
بەگشتی لە توێژنەوەكاندا رەهەندە جیاوازەكانی كاك ئەحمەد شێخ وەك كەسایەتییەكی گەورەی كورد لەبەرچاوگیراوە.
لە دیدارەکەدا دۆكیۆمێنتارییەک لەسەر ژیان و بەخشین و مێژووی حاجی كاك ئەحمەدی شێخ ئامادەكراوە و پێشکەشدەکرێت، هەندێک لە میوانەکانی دیدارەکە لە سعودیە و ئوردنەوە هاتوون.
