وەزیری ناوخۆی هەرێم ڕایدەگەیەنێت، سەردانی شاندەكەی حكومەتی عێراق بۆ هەرێمی كوردستان بەمەبەستی یەكلاكردنەوەی دۆسیەی ئەمنییە لە چەند ناوچەیەكدا و ئاشكرایكرد، جەخت لەجێبەجێكردنی ڕێككەوتنامەی شەنگال كرایەوە بۆ ئەم دۆخەی ئێستا چونكە هەبوونی پەكەكە ناسەقامگیریيە لە ناوچەكەیە و پێویستە كۆتایی پێبهێنرێت.
ڕێبەر ئەحمەد، وەزیری ناوخۆی هەرێم ڕایگەیاند، سەردانی شاندەی عێراق بۆ هەرێم بۆ تاوتوێكردنی گرفتە ئەمنییەكان بووە و جەخت لە جێبەجێكردنی ڕێككەوتنامەی شەنگال كرایەوە و ئێمە وەكو هەرێمی كوردستان سكاڵا لە هیچ دادگایەك لەسەر پەكەكە لە شەنگال تۆمار ناكەین و پێویستە عێراق هەموو ڕێوشوێنێك بۆ پاراستنی هاوڵاتییان لەو ناوچانە بگرێتەبەر.
ئاماژەی بەوەشكرد، مانەوەی پەكەكە لەو ناوچانە ناسەقامگیرییە و پێویستە كۆتایی پێبهێنرێت و دەبێت عێراق ڕێوشوێنی پێویست بگرێتەبەر و ئێمەش هاوكار دەبین.
