لەسەر سنووری نێوان باكوور و ڕۆژهەڵاتی كوردستان، توركیا دیواربەند دروستدەكات و بنیادنانەكەی لە کۆتایی نزیکبووەتەوە.
درێژیی دیواربەندەكە 144 كیلۆمەترە و بەپێی وتەی سلێمان سۆلیو وەزیری ناوخۆی توركیا، ئامانج لە بنیادنانی بەرگرتنە لە كۆچی نایاسایی ئەفغانییەكان لە ئێرانەوە بۆ توركیا.
دیواربەندەكە كۆنكرێتییە و لەنێوان هەردوو پارێزگای ئاگری و ئیگدیری باكوور و ڕۆژهەڵاتی كوردستان-دا بنیاددەنرێت.
ساڵی 2017 ڕەجەب تەیب ئەردۆغان سەرۆك كۆماری توركیا، پلانی بنیادنانی دیواربەندەكەی ڕاگەیاند و وتی، نەك هەر لەگەڵ ئێران، بەڵكو لەسەر سنوورە هاوبەشەكانی توركیا و عێراق-یش “دیواربەندی ئەمنی” بنیاددەنێن.
دیواربەندەكانی توركیا تەنها لەسەر سنوورەكانی باكوور، باشوور و ڕۆژهەڵاتی كوردستان نین، بەڵكو لەنێوان ڕۆژئاوا و باكووری كوردستان-یشدا حكومەتی توركیا دیواربەندێكی بە درێژیی 650 كیلۆمەتر بنیادناوە.
