ئیدارەی یانەی بەرشلۆنەی ئیسپانی ، دانیال ئالڤێسی بەرازیلی ئاگاداركردەوە كە گرێبەستەكەی درێژ ناكاتەوە.
ئالڤێس بۆ ماوەیەكی كاتی و بۆ یەك وەرز پەیوەندی بە یانەی بەرشلۆنەوە كرد.
دواجار یانەی بەرشلۆنە ڕەتیكردەوە گرێبەستەكەی درێژ بكاتەوەو پێیان ڕاگەیاند كە دەتوانێت یانەیەكی نوێ بۆ خۆی بدۆزێتەوە.
ئالڤێس بە ئیدارەی بەرشلۆنەی ڕاگەیاندبوو كە دەیەوێت بەشداری مۆندیالی 2022ی قەتەر بكات بەڵام چاڤی ڕاهێنەر پێیوایە سودی بۆ یانەكە نەماوە.
بە پێی ڕاگەیاندنەكان سیزار ئیزبیلكویتا جێگرەوەی ئالڤێس دەبێت و هەریەك لە دێست و مینگوێزا و سێرجی ڕۆبێرتۆش دەتوانن لە هەمان پێگە یاریی بكەن.
