کاتێک باس لە داروین نونێزی ئۆرۆگوایی دەکەین ڕاستەوخۆ تۆمارەکانی گۆڵمان بیر دەکەوێتەوە، بەڵام لە ڕاستیدا ئەو هێرشبەرە زیاتر لە تۆماری گۆڵ پێشکەشی یانەی لیڤەرپوڵ دەکات.
نونێز هێرشبەرێکی ناوازەیە و لە شێوازی یاریکردندا هەمەجۆرە، واتا لەڕووی تەکتیکییەوە جۆکەرە و چەندین ڕێگەچارەی تەکتیکی بە یۆرگن کلۆپ دەبەخشێت.
بەپێی زانیارییەکانی تۆڕی “ئەتلەتیک”، نونێز لە وەرزی 2021/2022 زۆرترین کاتەکانی لە پێگەی سەنتەری هێرشبردندا بەسەربردووە و ڕێژەی یاریکردنی لەو پێگەیەدا لەسەددا 65 بووە، بەڵام لە پێگەکانی دیکە دانەبڕاوە و هاوشێوەی تێری هێنری لە کاتی پێویستدا ئەرکی دیکەی جێبەجێ کردووە.
پلانەکانی (4-3-3، یان 3-4-3): لەم پلانانەدا هێرشبەرەکەی ئۆرۆگوای وەک هێرشبەری سەرەکی و سەرە ڕم بەشداری کردووە.
پلانی (4-4-2): لەم پلانەدا وەک هێرشبەری دووەم بەشداری کردووە.
پلانی (4-2-3-1): لەم جۆرە پلانەدا نونێز چەندین ڕۆڵی گێڕاوە، لە پێگەکانی سەنتەری هێرشبەری، باڵی چەپی هێرشبەری، سەرە ڕم، تەنانەت باڵی چەپ لە هێڵی ناوەند یاریکردووە.
