مشعان جبوری دەڵێت، مستەفا كازمی و حكومەتەكەی دەمێننەوە و پەرلەمان خۆی هەڵدەوەشێنێتەوە.
دوای دەستلەكاركێشانەوەی پەرلەمانتارانی سەر بە ڕەوتەكەی سەدر، مشعان جبوری كەسایەتیی سیاسیی سوننە كە ماوەیەك لەمەوبەر لە ئەندامێتیی ئەنجومەنی نوێنەران دەركرا، پەیامێكی لە تویتەر بڵاوكردەوە و نووسیویەتی، “كازمی و حكومەتەكەی دەمێننەوە و پەرلەمان خۆی هەڵدەوەشێنێتەوە و ساڵی داهاتوو هەڵبژاردنی پێشوەختە ئەنجامدەدرێت”.
ئەمڕۆ یەكشەممە پەرلەمانتارانی سەر بە ڕەوتەكەی موقتەدا سەدر لەسەر داوای ناوبراو دەستیان لەكاركێشایەوە. دواتر سەدر بڕیاری دا زۆربەی دام و دەزگاكانی سەر بە ڕەوتەكەی دابخرێن.
